ابوذيات مختارة من ابو شهاب المصلاوي

استعرض الموضوع السابق استعرض الموضوع التالي اذهب الى الأسفل

ابوذيات مختارة من ابو شهاب المصلاوي

مُساهمة  abushab_love في الثلاثاء سبتمبر 25, 2007 3:19 pm

هذه ابوذيات جمعتها لعيونكم [b]
وسفه الدهر شتتكم وطركم
حسافه ماكضه منهم وطركم
بذجركم هذا انه اهذي وكركم
يعيد الله شتتكم جمع ليه

زماني جرد اسيوفه وسنهه
عليه اوحرمت عيني وسنهه
وحق اللي فرض خمسه وسنهه
بعد هيهات عيش ايصير اليه

حبيبي دك بذرعانه ولجتاف
بضلعي جاسي اللبي ولجتاف
رضينه بحبس دندوشه ولجتاف
وهي سجاني وتفتر عليه

مر ولفي ايهبتني ومره هبته
ومره اوصلت يمه مره هبته
طحت مقدر يصاحب مره هبته
اسد يخسه الاسد ملقاه اليه

ابنار الهجر يامهجه دموعاي
على مصابي السمه يمطر دموعاي
اشما هلن يدندوشه دموعاي
حسناتج تبدل بالف سيه

سريتوا بالضعن ياترف هاوين
جفيتوني ولعند الغير هاوين
هاميت يحلو الطول هاوين
حياتي والنظر اقبالك عليه

وحق الألف واللامين والها
روحي بهوى كحيل العين ولها
لها ثغر وجبين وعين والها
خد شبه البدر لو سطع ضيه

من مثلي دمع عيني يهلهه
سبب غالب على روحي يهلهه
وعلي تحيولكم ميت يهلهه
من تبدي ترد الروح اليه

حزني عليك مايبطل وناحي
اسب اللامني بودك ونا حاي
تبات الناس مستوره ونا حاي
ليلي والنجم يشهد عليه

وحك آية عصا موسى وسينا
الك حثت رجايبنه وسينا
الك حسن النبي يوسف وسينا
الي والنور الك والنار اليه

يحادي روعت قلبي بلحداي
يخايب لفني وياهم بلحداي
اون طول الدهر حتى بلحدي
على الساروا وخلوني شجيه

كل مغرم برت علته وناله
سعيد اللي حضه بشخصك وناله
الطارش من سمع نوحي وناله
ترك شغله وبجه رحمه عليه

حبيبي جفاك المعبود صبراي
حبيبي كمت اكل للروح صبراي
حبيبي من ذكرتك نفذ صبراي
حبيبي يصب فراقك عليه

الدمع نهران بخدودي كراهه
حبيبي سلب من عيني كراهه
ليش امحبتك صارت كراهه
اشبده مني وتشمت اعداي بيه

روحي والهوى ودنياي وعداي
علي وشلون اشيل الجدم وعداي
صابر وانتظر واشوف وعداي
ابفرح لو دوم وكتي محيط بيه

ابكثر مانوح ملوني يراني
طحت والشامت ابعينه يراني
يخوتي السبع من جسمي يراني
اكبال اهلي وعمامي اتشوف هيه

اف من زماني اه منه
على اللي عشرتي وياه منه
اكله الدرب هذا يكول منه
اكله فوت بيه يرد عليه

دمه دمع البيابي سال وانهات
عليك اكضي العمر حسرات وانهات
بهواك انه اعذلتني الناس وانهات
ما خذني الهوه غصبن عليه

المصايب بس على روحي تلافت
يقلبي اعله النكر طيبك تلافت
اون وعطامي بهجرك تلافت
طريح وساد دوب النفس بيه

عفاني جيف الى مهجه ولي روح
اداري بالعلل كلها ولي روح
ماني بحال من يبكه ولي روح
ابحالك يالقطعت الوصل بيه

روحي مشت وياهم وهامت
على الما بينت منهم وهامت
اجفوف اعليك اطيرها وهامت
واخلي ادموم تجري اعلى الوطيه

تهت محد من احباب علي شار
ينجيني الذي شمسه علي شار
حجيت المصلحه طلعت على شار
رجيت الغانمه صارت رديه

لاتنسون الردود ياحلوين خصوصا انت برشا هههههههههه
avatar
abushab_love
عضو
عضو

المساهمات : 9
تاريخ التسجيل : 25/09/2007
العمر : 33
الموقع : الموصل

معاينة صفحة البيانات الشخصي للعضو http://www.googl.com

الرجوع الى أعلى الصفحة اذهب الى الأسفل

رد: ابوذيات مختارة من ابو شهاب المصلاوي

مُساهمة  Admin في الثلاثاء سبتمبر 25, 2007 3:27 pm

الله الله
والله روعة ابو شهاب
عاشت ايدك
ننتظر المزيد منك
avatar
Admin
مـــدير المنتــدى (حفظه الله ورعاه)
مـــدير المنتــدى (حفظه الله ورعاه)

المساهمات : 48
تاريخ التسجيل : 24/09/2007

معاينة صفحة البيانات الشخصي للعضو http://iraqbaghdadsport.ahlamontada.com

الرجوع الى أعلى الصفحة اذهب الى الأسفل

رد: ابوذيات مختارة من ابو شهاب المصلاوي

مُساهمة  abushab_love في الثلاثاء سبتمبر 25, 2007 3:41 pm

مشكور حبي برشا والمنتدى مالتك حلو كلش
avatar
abushab_love
عضو
عضو

المساهمات : 9
تاريخ التسجيل : 25/09/2007
العمر : 33
الموقع : الموصل

معاينة صفحة البيانات الشخصي للعضو http://www.googl.com

الرجوع الى أعلى الصفحة اذهب الى الأسفل

رد: ابوذيات مختارة من ابو شهاب المصلاوي

مُساهمة  Admin في الثلاثاء سبتمبر 25, 2007 3:55 pm

abushab_love كتب:مشكور حبي برشا والمنتدى مالتك حلو كلش
حبيبي ابو شهاب هذا منتدى كل اعضاء روم عراق بغداد سبورت
avatar
Admin
مـــدير المنتــدى (حفظه الله ورعاه)
مـــدير المنتــدى (حفظه الله ورعاه)

المساهمات : 48
تاريخ التسجيل : 24/09/2007

معاينة صفحة البيانات الشخصي للعضو http://iraqbaghdadsport.ahlamontada.com

الرجوع الى أعلى الصفحة اذهب الى الأسفل

رد: ابوذيات مختارة من ابو شهاب المصلاوي

مُساهمة  heba_majd في الثلاثاء أكتوبر 02, 2007 9:09 am

مشكور ياوردة على هذا الشعر الرائع وعاشت ايدك وان شاء الله نشوف المزيد من ابداعاتك

heba_majd
عضو مميز
عضو مميز

المساهمات : 59
تاريخ التسجيل : 01/10/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى